O niño das lavandeiras

O 29 de xuño, no traballo, estaba movendo uns paquetes de madeira e nun deles topei o niño da fotografía. Saqueino do paquete no que estaba (necesitaba esa madeira) e coloqueino con moito coidado noutro paquete que puxen no mesmo sitio que o anterior.

Hoxe, case dous meses despois, volvín a mover aquel paquete, xa nin recordaba a historia do niño. Foi unha alegría ver que alí estaba o niño, baleiro e con moitas plumas e cagadas preto del.
O cambio funcionou e polo mundo xa andan catro lavandeiras mais.